Имрон Хон қамоқхонадан шифохонага кўчирилади

Бугун, 18 август куни Покистон Олий суди мамлакат собиқ бош вазири Имрон Хонни яқин кунларда қамоқхонадан шифохонага кўчириш ҳақида қарор қабул қилди. Суд, шунингдек, мулозимга оила аъзолари билан ҳар ҳафталик учрашувларни таъминлашни топширди. Бу ҳақда маҳаллий “Dawn” газетаси хабар берди.

Қайд этилишича, қарор Имрон 2023 йилнинг августидан бери ҳибсда ушлаб турилган қамоқхона бошлиғи собиқ бош вазирнинг соғлиғи ҳолати тўғрисидаги ҳисоботни судга тақдим этганидан сўнг қабул қилинган. Шифокорлар хулосасига кўра, Хоннинг пульси ва юрак ҳолати меъёрда эмас. Суд таркибига мулозимнинг шахсий шифокори ва унинг синглиси, доктор Узма Хон кириши керак бўлган тиббий комиссия тузишни буюрган. Адвокатлар ва оила аъзоларига унинг тиббий кўрик натижаларини ошкор қилиш тақиқланган.

Имрон Хон 2018 йилдан 2022 йилгача Покистон бош вазири лавозимини эгаллаган. Унга нисбатан бир нечта жиноят иши қўзғатилган. 2023 йилдан бери собиқ бош вазир Тошахона давлат хазинасида сақланаётган қимматбаҳо буюмларни сотганлик айблови билан 14 йиллик қамоқ жазосини ўтамоқда.

2024 йилда у коррупция учун яна 14 йилга озодликдан маҳрум этилган эди. 2025 йилнинг декабрида суд Имрон Хон ва унинг рафиқаси Бушра Бибини коррупция иши бўйича 17 йилга озодликдан маҳрум қилиш ҳақида ҳукм чиқарди. 

Эслатиб ўтамиз, аввалроқ қамоқда сақланаётган Имрон Хон ўнг кўзининг кўриш қобилиятини деярли йўқотгани ҳақида хабар берилган эди.