“Гарри Поттер” сериалининг катта экранларга чиқиш санаси эълон қилинди

"Гарри Поттер" сериали 2026 йилда "Мах  striming" хизматида намойиш этилади. Бу ҳақда РБК нашри хабар берди.

Унга кўра, Warner Bros. Discovery компаниясининг бош директори Дэвид Заславнинг айтишича, айни пайтда лойиҳани ўз вақтида амалга оширишда жиддий муаммо йўқ. "Гарри Поттер" китоби муаллифи Жоан Роулинг эса сериал продюсери бўлади. 

Айтилишича, муаллифлар ва актёрларнинг исмлари номаълум. Фильм  етти фаслдан иборат бўлиб, ҳар бири "Гарри Поттер" китобига асосланади. Ушбу қаҳрамон мухлислари бу янгиликни хурсандчилик билан кутиб олишди: сюжет ва суратга олишда асар муаллифи Жоаннинг иштирок этиши ҳам кўпчиликнинг эътиборини тортган. 

Бу вақт ичида етти фасл қандай чиқиши аниқ эмас. WBD раҳбарлари "Ғаройиб махлуқлар" (Potter spin-off ) сериалдан ўрин олмаслигини таъкидлашди.

2023 йил 12 апрелда Американинг премиум телевидениеси бўлажак лойиҳанинг биринчи тизерини эълон қилди ва  сценарийда  диний ҳамоҳанглик бўлишини айтган. 

Сеҳргарлар олами тўғрисидаги сериал яратиш муҳокама қилинаётгани ҳақидаги миш-мишлар 2021 йилнинг январида пайдо бўлган эди. 2023 йилда бу ҳақда сериал суратга олиниши эълон қилинганди.

Сериалнинг ижрочи продюсерлари Нил Блер ("Ғаройиб махлуқлар" фильми), Рут Кенли-Леттс ("Биз Манхеттенни оламиз") ва Роулинг(асар муаллифи) ҳисобланади. 

Шунга қарамай, сеҳргарлар ҳақидаги янги сериални бойкот қилишга чақириқлар ҳам бўлган. Бунга жавобан Роулинг  X саҳифасида:

“Эълон қилишга мажбур бўлган супер янгилигим: фаоллар бу сафар “Гарри Поттер” сериалига бойкот уюштиришга ҳаракат қилишмоқда", деб ёзган.

Ёш сеҳргарлар ҳақидаги сериал учун бош ролларга катта эҳтимол билан янги актёрлар танлаб олинади. Сабаби олдинги актёрлар ҳозирда  улғайиб қолган. Мухлислар эса "Гарри Поттер" сериалида севимли актёрлари ўзгача қаҳрамонлар сифатида пайдо бўлишига умид қилмоқда.

Эслатиб ўтамиз, аввалроқ Warner Bros. Discovery компанияси Гарри Поттер ҳақидаги китоблар асосида онлайн сериал яратиш бўйича келишувга яқин турганлиги ҳақида хабар бергандик.

Мадина Отабоева