Франция собиқ президентига 7 йиллик қамоқ сўралди

Франция прокуратураси республиканинг собиқ президенти Николя Саркозини 2007 йилги сайловолди кампаниясини Ливиядан молиялаштиргани бўйича етти йиллик қамоқ жазосига ҳукм қилишни талаб қилмоқда. Бу ҳақда BFMTV хабар берди.

Маълум қилинишича, 2007-2012 йилларда давлат раҳбари бўлган 70 ёшли Саркози 300 минг евро миқдоридаги жаримага ҳам тортилиши мумкин. Собиқ президентнинг ҳимояси барча айбловларни рад этган.

Саркозининг сўзларига кўра, у “ҳақиқат қарор топиши учун курашишда давом этади ва суднинг адолатига ишонади”. У айбловларни ёлғон деб атаган ва ўзининг айбсизлигини исботламоқчи эканини таъкидлаган.

Саркози кампанияни молиялаштиришдаги қоидабузарликлар ҳақида биринчи марта 2011 йил март ойи бошида Ливиянинг марҳум етакчиси Муаммар Каддафийнинг ўғли Саиф ал-Ислом Каддафий томонидан эълон қилинган. “Euronews” телеканалига берган интервьюсида у Саркози Ливия расмийларидан молиявий ёрдам олганини айтиб ўтган.

“Mediapart” журналистик суриштирув агентлиги 2012 йилда Саркози Каддафийдан сайлов эҳтиёжлари учун 50 миллион евро олгани ҳақида бир қатор материалларни эълон қилган. Воситачи экани айтиладиган Зиёд Тақиаддин эса дастлаб Ливия раҳбари француз сиёсатчисига нафақат сайлов кампанияси, балки бошқа мақсадлар учун ҳам пул ўтказганини даъво қилган. Кейинчалик Тақиаддин кутилмаганда кўрсатмаларини ўзгартириб, сўзларидан қайтган.

Эслатиб ўтамиз, аввалроқ Франциянинг собиқ президенти Николя Саркозига электрон билагузук ўрнатилганди.