FQB Epshteyn ishi fayllaridan Trampning ismini olib tashladi

north_east

Tramp pedofiliyadagi tuhmat uchun WSJ’dan pul talab qildi

AQSH Federal qidiruv byurosi moliyachi Jeffri Epshteyn ishi bo‘yicha hujjatlarni tahrir qildi. Ulardan Oq uy rahbari Donald Tramp va boshqa taniqli shaxslarning ismlari olib tashlandi. Bu haqda “Bloomberg” xabar berdi.

Nashrning yozishicha, Trampning nomi fayllarni yakuniy ko‘rib chiqishni o‘tkazayotgan FQB agentlari guruhi tomonidan hujjatlardan o‘zgartirilgan. Bular byuroning “Axborot erkinligi to‘g‘risida”gi qonuni ijrochilari bo‘lib, ularga ish materiallarini ko‘rib chiqish va qaysi hujjatlarni chiqarish mumkinligini aniqlash vazifasi yuklatilgan. Natijada, avval xabar qilinganidek, FQB xodimlari Epshteynning fayllarini ko‘rib chiqish chog‘ida Tramp va boshqa mashhur kishilarga ko‘plab havolalarni topgan. Ularning ism-shariflarining shunchaki tilga olinishini aybning isboti yoki hatto noto‘g‘ri ishorasi, deb hisoblab bo‘lmaydi. Bu odamlarning ismlari qaysi kontekstda tilga olingani noma’lum.

Joriy yilning iyul oyi oxirida AQSH Prezidenti Donald Tramp sobiq davlat rahbari Bill Klintondan farqli o‘laroq, u bir necha yil avval bolalarga zo‘ravonlik va boshqa shu kabi og‘ir jinoyatlarda ayblangan amerikalik moliyachi Jeffri Epshteynga tegishli orolda bo‘lmaganini aytgandi. WSJ manbalarga tayanib xabar berishicha, AQSH bosh prokurori Pam Bondi bahorda Trampga uning ismi Epshteynning hujjatlarida borligi haqida xabar bergan.

Moliyachi 2019 yilning 6 iyulida Nyu-York shtati huquq-tartibot idoralari tomonidan hibsga olingan. Prokuraturaning ta’kidlashicha, u 2002-2005 yillarda o‘zining Manxettendagi uyiga o‘nlab voyaga etmagan, eng kichigi 14 yoshda bo‘lgan qizlarni olib borgani haqida dalillar bor. Epshteynning do‘stlari va tanishlari orasida nafaqat AQSHda, balki boshqa ko‘plab mamlakatlarda amaldagi va nafaqadagi amaldorlar (shu jumladan sobiq davlat rahbarlari), yirik tadbirkorlar va shou-biznes yulduzlari bor edi. 2019 yil 10 avgustda qamoqxona kamerasida o‘z joniga qasd qilgandan so‘ng, AQSHda moliyachiga nisbatan jinoiy ta’qiblar tugatildi.

Shu bilan birga, Tramp va uning jamoasi a’zolari 2024 yilgi saylov kampaniyasi davomida Epshteyn ishi bo‘yicha tergov hujjatlarini maxfiylikdan chiqarishga va bu voqeada maksimal shaffoflikni ta’minlashga bir necha bor va’da bergan. Tramp, Bondi va boshqa AQSH ma’muriyati rasmiylarining tushuntirishlari amaldagi Amerika Prezidenti tarafdorlarining katta qismi orasida g‘azabga sabab bo‘ldi. Bu saylovchilar Epshteyn ishi bo‘yicha to‘liq ma’lumot nashr etilishini talab qilmoqda.