“Феррари” пилоти Шарль Леклер Тошкентга келди (видео)

“Формула-1” оламининг энг машҳур пилотларидан бири, “Феррари” жамоасининг монаколик пойгачиси Шарь Леклер Тошкентга етиб келди. Меҳмонни МОҚ раҳбарияти Ислом Каримов номидаги Тошкент халқаро аэропортида кутиб олди.

Шарль Леклер бугун, 12 декабрь куни Тошкентда Халқаро автомобиль федерацияси (FIA)нинг йил якунларига бағишланган тақдирлаш маросимида иштирок этади. Марказий Осиё минтақасида илк бор ўтказилаётган ушбу нуфузли тадбирда дунёнинг етакчи автомобиль спорти жамоалари ва вакиллари иштирок этиши кутилмоқда.

Маълумот учун, Шарль Леклер “Формула-1”да ҳозиргача бир нечта Гран-при ғалабалари (Баҳрайн, Италия, Бельгия каби) ва кўплаб подиумларни қўлга киритган. Леклер, шунингдек, “Феррари” тарихидаги энг ёш Гран-при ғолиби сифатида жамоа рекордини янгилаган.

Эслатиб ўтамиз, аввалроқ Ўзбекистон Республикаси Президенти Шавкат Мирзиёевнинг FIA президенти Муҳаммад бин Сулайм билан учрашуви чоғида Ўзбекистонда “Формула-1” пойгалари ўтказиш муҳокама қилинган эди.