Эртага Тошкентнинг икки туманида газ ўчирилади

Эртага, 10 август куни Тошкент шаҳрининг икки туманидаги айрим ҳудудлар табиий газ таъминотидан узиб қўйилади. Бу ҳақда “Ҳудудгазтаъминот” акциядорлик жамияти матбуот хизмати хабар берди.

Унга кўра, куз-қиш мавсумига тайёргарлик кўриш мақсадида қуйидаги манзилларда табиий газ таъминоти вақтинча узилади:

•  Бектемир тумани: “Мусаффо” ва “Соҳил” МФЙдаги 383 та аҳоли ва 12 та улгуржи истеъмолчилар соат 14:00 дан 17:00 гача;
•  Сергели тумани: “Номданак”, “Кенг макон” ва “Қўшқўрғон” МФЙдаги 550 та аҳоли ва 16 та улгуржи истеъмолчилар соат 11:00 дан 17:00 гача табиий газдан узилади.

Шунингдек,“Ҳудудгазтаъминот” АЖ мазкур таъмирлаш ишлари туфайли табиий газ таъминотидаги вақтинча узилишлар сабабли юзага келаётган ноқулайликлар учун ушбу ҳудудларда яшовчи истеъмолчилардан узр сўраган.

Эслатиб ўтамиз, бугун, 9 август куни пойтахтнинг Бектемир туманидаги “Нурли йўл” МФЙнинг айрим кўчалари ва Юнусобод туманидаги “Мингчинор” МФЙнинг айрим кўчалари электр тармоғидан узиб қўйилган эди.