Ertaga Toshkentning ikki tumanida gaz o‘chiriladi

Ertaga, 10 avgust kuni Toshkent shahrining ikki tumanidagi ayrim hududlar tabiiy gaz ta’minotidan uzib qo‘yiladi. Bu haqda “Hududgazta’minot” aksiyadorlik jamiyati matbuot xizmati xabar berdi.

Unga ko‘ra, kuz-qish mavsumiga tayyorgarlik ko‘rish maqsadida quyidagi manzillarda tabiiy gaz ta’minoti vaqtincha uziladi:

•  Bektemir tumani: “Musaffo” va “Sohil” MFYdagi 383 ta aholi va 12 ta ulgurji iste’molchilar soat 14:00 dan 17:00 gacha;
•  Sergeli tumani: “Nomdanak”, “Keng makon” va “Qo‘shqo‘rg‘on” MFYdagi 550 ta aholi va 16 ta ulgurji iste’molchilar soat 11:00 dan 17:00 gacha tabiiy gazdan uziladi.

Shuningdek,“Hududgazta’minot” AJ mazkur ta’mirlash ishlari tufayli tabiiy gaz ta’minotidagi vaqtincha uzilishlar sababli yuzaga kelayotgan noqulayliklar uchun ushbu hududlarda yashovchi iste’molchilardan uzr so‘ragan.

Eslatib o‘tamiz, bugun, 9 avgust kuni poytaxtning Bektemir tumanidagi “Nurli yo‘l” MFYning ayrim ko‘chalari va Yunusobod tumanidagi “Mingchinor” MFYning ayrim ko‘chalari elektr tarmog‘idan uzib qo‘yilgan edi.