Эргашев жанг қиладиган оқшомнинг асосий карди эълон қилинди

Жорий йилнинг 25 ноябрь кунида ўзбекистонлик профессионал боксчи Шоҳжаҳон Эргашев Халқаро бокс ассоциацияси (IBF) камари учун пуэрто-риколик Сабриэль Матиасга қарши рингга кўтарилади. АҚШнинг Лас-Вегас штатида ўтказиладиган бокс кечасининг марказий жанги -76,2 кг да WBC Interim камари учун америкалик боксчилар Давид Бенавидес ва Деметриус Андраде ўртасида бўлиб ўтади.

“Michelob Ultra Arena” мезбонлик қиладиган турнирда WBA Regular камари учун иккинчи ярим енгил вазнда доминиканлик Эктор Луис Гарсия америкалик Ламонт Роучга қарши рингга кўтарилади. 

Ҳозирча асосий карднинг 4 та жанги эълон қилинган. 25 ноябрга қадар яна бир нечта тўқнашувлар карддан жой олиши кутилмоқда. 

Асосий кард рўйхати:

-76,2 кг WBC Interim камари: Давид Бенавидес  - Деметриус Андраде;
-72,57 кг: Жермелл Чарло  - Хосе Бенавидес;
-63,5 кг IBF камари: Сабриель Матиас - Шоҳжаҳон Эргашев;
-58,9 кг WBA Regular камари: Эктор Луис Гарсия  - Ламонт Роуч;
-66,6 кг: Вито Миельницки - Даниэль Бучиуч.