Бивол дунёнинг энг яхши боксчиларининг топ-5 лигидан чиқиб кетди

Россиялик боксчи Дмитрий Бивол “Тhе Ring” нашрининг вазн тоифасидан қатъи назар тузилган рейтингида кучли бешликдан чиқиб кетди. Бу ҳақда журналнинг расмий сайти хабар берди.

Бивол рейтингда бир поғона пастлаб, бешинчи ўриндан олтинчи ўринга тушди ва ўз ўрнини америкалик Давид Бенавидесга бўшатиб берди. Бенавидес жорий йилнинг 2 май куни куни мексикалик Хильберто Рамиресни мағлуб этиб, WBA ва WBO йўналишлари бўйича биринчи оғир вазн тоифасида жаҳон чемпионига айланди.

Япониялик Наоя Иноуэ эса, ватандоши Дзюнто Накатанини мағлуб этиб, супер  вазн тоифасидаги жаҳон чемпионлиги камарини еттинчи бор ҳимоя қилди ва рейтингда биринчи ўринга кўтарилди. Шу тариқа, у украиналик Александр Усикни ортда қолдирди. Кучли учликни эса, америкалик Шакур Стивенсон якунлаб турибди.

Маълумот учун, 35 ёшли Бивол профессионал фаолияти давомида 24 та ғалаба ва 1 та мағлубият қайд этган. 30 май куни у Екатеринбург шаҳрида RCC Boxing турнирида германиялик Михаэль Айфертга қарши рингга чиқади. Ушбу жанг Халқаро бокс федерацияси йўналиши бўйича мажбурий даъвогарлик мақомини белгилайди. Бу жанг Бивол учун 2025 йил февраль ойида ватандоши Артур Бетербиевни мағлуб этиб, мутлақ жаҳон чемпионига айланганидан кейинги илк баҳс бўлади. Шундан сўнг, у WBC камаридан маҳрум қилинган эди.