Дўрмондаги 3 та уй ёниб кетди (видео)

Аввалроқ, Тошкент вилоятининг Қибрай туманидаги Дўрмон МФЙда ёнғин содир бўлгани ҳақида хабар берилганди. Ҳудудда жойлашган 3 та хонадон ёнган. Бу ҳақда Фавқулодда вазиятлар вазирлиги хабар берди. 

Маълум қилинишича, ёнғин соат 19:33 да ўраб олиниб, соат 20:10 да тўлиқ бартараф этилган.

Ёнғин оқибатида бир-бирига туташ қурилган 3 та хонадоннинг тахминан 415 квадрат метр майдонда томи, шифти ва уй-жиҳозлари ёниб зарарланган.

Ёнғин оқибатида тан жароҳати олган ва ҳалок бўлганлар тўғрисида хабар келиб тушмаган.

“Ҳозирда ёнғиннинг келиб чиқиш сабаби ва моддий зарар миқдори аниқланмоқда”, дейилади хабарда.

Билдирилишича, ёнғинни бартараф этишга 9 та ёнғин-қутқарув экипажи ва 2 та ёрдамчи сув ташишга мўлжалланган техника жалб этилган.

Эслатиб ўтамиз, аввалроқ Андижон вилоятидаги уйлардан бирида ёнғин содир бўлгани ҳақида хабар берилганди.