Бугун қитъа чемпионатида икки нафар ўзбек боксчиси рингга чиқади

Спорт

−

03 Ноябрь 2022 visibility10526 timer1 дақиқа

Айни кунларда Иордания пойтахти Амман шаҳрида бокс бўйича катталар ўртасида Осиё чемпионати жанглари бўлиб ўтмоқда.

Бугун, 3 ноябрь куни баҳсларнинг учинчи кунига старт берилади. Кун дастурирда икки нафар ўзбекистонлик боксчи рингга кўтарилади. Эътиборлиси, бугун Ўзбекистон аёллар терма жамоаси вакили ҳам турнирдаги иштирокини бошлайди.

Қизлар ўртасида -63 кгда Хадичабону Абдуллаева таиландлик Сомнуэк Панпатчарага қарши рингга кўтарилса, эркаклар ўртасида -80 кг вазнда Одилжон Аслонов Жанубий Корея вакили Парк Жин Хун билан тўқнаш келади.

Маълумот учун, Абдуллаева иштирокидаги жанг Тошкент вақти билан тахминан 17:30 дан сўнг бошланса, Одилжон Аслонов кечки дастурда, соат 20:55 дан сўнг мусобақадаги илк жангини ўтказади.

Эслатиб ўтамиз, ортда қолган икки кун давомида тўрт нафар Ўзбекистон вакили ўз жангини ўтказиб, ғалабага эришди.

Мақола муаллифи