Британияда Болгариядан келган машина тиркамасидан 39 кишининг жасади топилди
Олам
−
23 Октябрь 2019 6096
Бугун, 23 октябрь куни Буюк Британия полицияси Эссекс графлигининг Грейс шаҳридаги саноат зонасида юк машинаси тиркамасидан 39 кишининг жасадини топди. Бу ҳақда ТАСС хабар бермоқда.
"Дастлабки маълумотларга кўра, ҳалок бўлганларнинг 38 нафари катта ёшдаги фуқаролар бўлса, бир нафари ўспирин экани аниқланди. Ҳозирда қотилликда гумон қилинган Шимолий ирландиялик 25 ёшли шахс ҳибсга олинган", дейилади хабарда.
Полиция маълумотларига кўра, юк машинаси мамлакатга 19 октябрь куни Болгариядан келган.
Қўлга олинган шахс юк машинаси ҳайдовчиси.
Болгария Ташқи ишлар вазирлиги Буюк Британиядаги ушбу воқеа ҳақида батафсил маълумотга эга эмас ва мазкур маълумотни текширади.
"Лондондаги элчихонамиз маҳаллий маъмурлар билан алоқада бўлиб, ушбу ишни текширмоқда", дейилади Болгария Ташқи ишлар вазирлиги баёнотида.
Live
Барчаси
