Bir o‘limdan qolgan Eriksen APL klubiga o‘tdi

Daniyalik yarim himoyachi Kristian Eriksen Angliyaning “Brentford” klubi bilan shartnoma imzoladi. Bu haqda ingliz klubi matbuot xizmati xabar berdi.

Qayd etilishicha, Eriksen ushbu mavsum oxirigacha shartnoma imzolagan. Shuningdek, tomonlar roziligiga ko‘ra yana bir yilga uzaytirilishi mumkin. Avvalroq Eriksen barcha tibbiy ko‘riklardan muvaffaqiyatli o‘tgani ma’lum bo‘lgan edi.

Eslatib o‘tamiz, futbolchi joriy yilning 12 iyun kuni Yevropa chempionati doirasida Daniya – Finlyandiya (0:1) o‘yinining birinchi bo‘limi oxirida Eriksen yuragi bilan bog‘liq muammo sabab, maydonga yiqilib tushgan edi.

Sportchiga 15 daqiqa maydonning o‘zida tibbiy yordam ko‘rsatilgan, keyin esa kasalxonaga olib ketilgan va unga kardioverter-defibrillyator o‘rnatilgandi. Malum bo‘lishicha, futbolchining yuragi to‘xtab qolgan. U to‘p tepadigan Italiya A seriyasida yurak stimulyatori bo‘lgan futbolchilar o‘ynashiga ruxsat etilmaydi.

Shundan so‘ng, “Inter” klubi futbolchi bilan shartnomani bekor qilishga qaror qilgan edi. 

Ma’lumot uchun, Eriksen 2013-2020 yillarda Londonning “Tottenxem” klubi sharafini himoya qilgan. U 2022 yil Qatarda bo‘lib o‘tadigan Jahon chempionatida o‘z terma jamoasi safida ishtirok etmoqchi ekanini aytib o‘tgan.