Беларусда баённомани имзоламаган сайлов комиссияси аъзосининг жасади топилди

Олам 12396
image

Багратин номидаги Волковис ҳарбий-тарихий музей директори Константин Шишмаков ўлик ҳолда топилди. Бу ҳақда “Фаришта” қидирув-қутқарув бўлинмаси маълум қилди.

Эркак 15 август куни йўқолиб қолганди. У турмуш ўртоғига телефон қилиб, ишдан бўшаганини ва уйга келаётганини айтган, лекин келмаган.

Аввалроқ, сайлов комиссияси аъзоси бўлган 29 ёшли Шишмаков президентлик сайловларидаги баённомани имзолашдан бош тортган.

“Ҳаммаси 9 санада бошланди. У сайлов комиссиясида бўлганида. У билан яна бир йигит бор эди. Улар иккиси якуний протоколни имзоламади. Ўғлимнинг айтишича, улар учун қўл қўйишган”, деган Шишмаковнинг отаси.

Эслатиб ўтамиз, 9 август куни Беларусда президентлик сайлови ўтказилди. Унда 26 йилдан бери иқтидорда қолаётган Александр Лукашенко 80,1 фоиз овоз тўплаб, ғалаба қозонди. Бунинг ортидан эса мамлакат бўйлаб норозилик намойишлари бошланди.

Суннатилла Абдуллаев
Мақолага баҳо беринг
Баҳолаганлар: 599
Рейтинг: 2.9
t
×