Antaliya meri 44 yilga qamalishi mumkin

north_east

Imomo‘g‘li uchun 2352 yil qamoq so‘raldi

Turkiyaning Antaliya shahri meri Muhiddin Bo‘jek korrupsiyada ayblanib, 44 yilgacha qamoq jazosiga hukm qilinishi mumkin. “TRT” telekanali xabariga ko‘ra, tegishli talablar Antaliya Bosh prokuraturasi tomonidan tayyorlangan va sud tomonidan qabul qilingan ayblov xulosasida mavjud.

702 sahifadan iborat ayblov xulosasida sobiq hokimdan tashqari yana 40 nafar gumonlanuvchi bor. Ularga majburlash yo‘li bilan tovlamachilik, noqonuniy boylik orttirish, obro‘-e’tibor bilan savdo qilish, pul yuvish, firibgarlik va tuhmat kabi ayblovlar qo‘yilgan. Tergov Bo‘jekni tovlamachilik, noqonuniy boylik orttirish va pul yuvish moddalari bo‘yicha aybdor deb topishni talab qilmoqda. Shu bilan birga, ayblov ushbu huquqbuzarliklar ommaviy va muntazam ravishda sodir etilganini ta’kidlamoqda.

Huquqbuzarliklar yig‘indisi bo‘yicha muxolifatdagi Xalq-respublika partiyasi vakili bo‘lgan sobiq merga 15,5 yildan 44 yilgacha qamoq jazosi tahdid solishi mumkin. Ish yuritishning hozirgi bosqichida tergov Antaliya meriyasiga qarshi korrupsiyaga ishi doirasida Jinoyat kodeksini buzgan 26 ta alohida epizodni aniqladi.

Bundan avval sud barcha ayblanuvchilar sud jarayonlari davomida hibsda qoldirilishi haqida qaror chiqargan edi. Birinchi eshituv sanasi joriy yilning 16 martiga belgilangan.

Turkiyada muxolifatdagi Xalq-respublika partiyasi vakili bo‘lgan bir qator viloyatlarning merlari va amaldorlarini hibsga olish operatsiyalari Istanbul meri Ekrem Imomo‘g‘li 2025 yil mart oyida korrupsiyada ayblanib hibsga olinganidan keyin boshlangan edi. Shundan so‘ng  hokimiyat muxolifat tomonidan boshqariladigan va korrupsion faoliyatda gumon qilinib, prokuratura organlarida qiziqish uyg‘otgan viloyat ma’muriyatlarida tergov va hibsga olish to‘lqinini boshladi.