Анчелотти нимадан норози?
Спорт
−
30 Июнь 2023 2926
Испаниянинг “Реал” клуби бош мураббийи Карло Анчелотти Мадрид клубининг трансфер сиёсатидан норози. Бу ҳақда “The Athletic” хабар берди.
Манбага кўра, италиялик мутахассиснинг асосий талаби клубдан кетган ҳужумчи Карим Бензема ўрнига янги топ-ҳужумчи билан шартнома имзолаш бўлган. Анчелоттининг талаби клуб раҳбарияти томонидан ҳалигача қаноатлантирилмагани учун мутахассиснинг яқинлари уни истеъфога чиқишини хоҳлаяпти, бироқ Анчелотти “қироллик клуби”ни тарк этиш ниятида эмас. Раҳбарият эса ҳамон Килиан Мбаппени Мадридга олиб келиш устида бош қотирмоқда.
Қайд этилишича, Анчелотти Мбаппе 2023/24 йилги мавсумни “Реал”да ўтказишини унчалик хоҳламаяпти.
Маълумот учун, Анчелотти 2021 йилнинг ёзида “Реал”да бош мураббийлик лавозимини қабул қилиб олган эди. У “Эвертон”ни тарк этгач, Мадридга қайтди. Бунгача мутахассис 2013-2015 йилларда “қироллик клуби”ни бошқарган.
Испания чемпионатининг 2022/2023 йилги мавсуми якунларига кўра, “Реал Мадрид” 2-ўринни эгаллади. Европа Чемпионлар лигасида жамоа ярим финалга қадар етиб бориб, Англиянинг “Манчестер Сити” клубига имкониятни бой берди.
Live
Барчаси
