Аллегри “Интер” раҳбарларини ҳақорат қилди
Спорт
−
28 Апрель 2023 3520
27 апрель куни Италия кубоги ярим финал босқичида “Ювентус” ҳамда “Интер” жамоалари тўқнаш келди. Ўйин 1:0 ҳисобида миланликларнинг фойдасига ҳал бўлди ва дастлабки ўйиндаги дуранг (1:1) эвазига “Интер” финалга йўл олди.
Финал ҳуштаги янграгандан сўнг “Ювентус” бош мураббийи “Интер” бош директори Беппе Маротта ва Милан клуби менежери Дарио Бакчинга қарата: “Сенлар жиннисанлар, барибир Европа Чемпионлар лигасига чиқолмайсанлар”, деб кескин гапирган.
Кийиниш хонасида Аллегри аввалига жамоаси футболчиларини танқид қилди, сўнг:
“Биз чемпионатда улардан юқори ўринни эгаллашимиз керак, улар кучли бешликка ҳам кира олмаслиги керак”, деб айтган.
А Серия турнир жадвалида “Ювентус” ортда қолган 31 та турдан сўнг 59 очко жамғариб, 3-ўринни банд этган бўлса, “Интер” 54 очко билан 6-поғонани эгаллаб турибди.
Live
Барчаси
