Ака-ука Жээнбековлар Жапаровни порахўрликда айблаган фаолни судга берди

Олам 5233
image

Қирғизистоннинг собиқ Президенти Сооронбой Жээнбеков ва унинг укаси Асилбек Жээнбеков жамоатчилик фаоли Мелис Аспековни судга берди. Бунга у ака-ука Жээнбековларни амалдаги Президент Садир Жапаровнинг сайловолди кампаниясини молиялаштиришда айблагани сабаб бўлди.

Сиёсатчиларнинг адвокатлари Аспеков Жээнбековларга туҳмат қилган ва бу учун бир миллион сом (тахминан 126 млн сўм) товон тўлаши керак. Шунингдек, ҳуқуқшунослар эълон қилинган маълумотларнинг нотўғри деб тан олишни талаб қиляпти.

Жавобгардан олинган миллион сомни Жээнбековлар болалар уйига хайрия қилмоқчи.

Эслатиб ўтамиз, Аспеков Садир Жапаров сайловолди кампанияси учун Жээнбековлардан 10 млн доллар олганини иддао қилиб чиққанди. Ҳозирда унинг ўзи таъмагирликда гумон қилиниб, қамоққа олинган.

Суннатилла Абдуллаев
Мақолага баҳо беринг
Баҳолаганлар: 198
Рейтинг: 3
t
×