Абитуриентлар энди онлайн ҳужжат топшириши мумкин

Хабарингиз бор, 2019 йил олий таълим муассасаларига рўйхатдан ўтишда 5 та ОТМга (ТДЮУ, ФарДУ, ҚДУ, СамДУ, ГулДУ) Давлат хизматлари марказлари орқали хужжат топшириш мумкин.

ДХМ томонидан абитуриентларга навбатдаги қулайлик яратилди. Энди белгиланган 5 та миллий ОТМга ҳужжатларни ўз яшаш жойингиздан узоқлашмасдан — my.gov.uz портали орқали юбориш имкони яратилди. Қуйидаги ҳавола орқали онлайн рўйхатдан ўтиш мумкин.

Қуйида Сизга (ТДЮУ, ФарДУ, ҚДУ, СамДУ, ГулДУ) 1-йўналиш қилиб танланган Олий ўқув юртларга ҳужжатларни онлайн тарзда юбориш учун шаклларни тўлдиришни ўргатувчи графикаларни тақдим этмоқдамиз.

1-қадам. Паспорт, яшаш манзили, телефон маълумотларини тўлдириш.

2-қадам. Сиз тугатган ўқув муассаси ҳақида ахборот киритиш (коллеж, лицей ёки мактаб).

3-қадам. Ўқув шаклини (кудузги, кечги, сиртқи) ва тилини танлаш, тест топшириш графикини белгилаш.

Шу ернинг ўзида устуворлик тартиби билан 3 та исталган олий таълим муассасасини танлаб, синовдан ўтказиладиган хорижий тил ва имтиҳон топишириладиган ҳудудни белгилаш зарур.

4-қадам. Давлат божини тўлаш (махсус тизимлар орқали онлайн тўлов амалга ошириш имкони жорий этилади).

Шундан сўнг аризангиз кўриб чиқиш учун юборилиб, Сизга бу ҳақида тегишли хабарнома йўлланади.