Ҳиндистон Ўзбекистонга коронавирусга қарши дориларни етказиб берди

Жамият 13503
image

Ҳиндистондан Тошкентга "Ўзбекистон ҳаво йўллари" авиакомпаниясининг самолёти билан инсонпарварлик юки етказиб берилди. Бу ҳақда Ўзбекистоннинг Ҳиндистондаги элчихонаси маълум қилди.

Инсонпарварлик ёрдами тиббий воситаларни, жумладан COVID-19 инфекцияси билан касалланган беморларни даволашда самарали ҳисобланган 7 миллионга яқин таблеткаларни ўз ичига олди.

Ўзбекистонга  дори-дармонларнинг бепул тақдим этилиши Ўзбекистоннинг Ҳиндистондаги элчихонаси томонидан ушбу мамлакатнинг Кимёвий маҳсулотлар ва ўғитлар вазирлиги қошидаги Фармацевтика саноати департаменти билан биргаликда ишлаб чиқилди.

Умумий оғирлиги 5 тоннадан ортиқ юк Ўзбекистоннинг тегишли идораларига топширилди.

Шуни алоҳида қайд этиш керакки, Ҳиндистон дунёда фармацевтика соҳаси энг ривожланган давлатлардан ҳисобланади. Кўплаб дорилар ва уларнинг хомашёлари айнан Ҳиндистонда тайёрланади.

Суннатилла Абдуллаев
Мақолага баҳо беринг
Баҳолаганлар: 607
Рейтинг: 3
t
×