Ўзбекистон Нидерландия билан ўйин учун 300 минг доллар тўлайди

Ўзбекистон миллий терма жамоасининг Нидерландия билан ўртоқлик учрашуви учун ЎФА 300 минг доллар тўлайди. Бу ҳақда терма жамоанинг собиқ раҳбарларидан бири Шерзод Эгамбердиев маълум қилди.

ЎФА терма жамоалар бўлими собиқ раҳбари Шерзод Эгамбердиевнинг айтишича, Ўзбекистон футбол ассоциацияси Нидерландияга қарши ёпиқ ўртоқлик баҳси учун 300 минг доллар тўлайди.

Маълум бўлишича, Ўзбекистон жаҳон чемпионати қуръаси олдидан Португалия билан март ойида ўртоқлик учрашуви ўтказишга келишиб олган, бироқ қуръадан сўнг бу жамоалар бир гуруҳга тушгандан сўнг бу келишув амалга ошмаган.

Шунингдек, Эгамбердиевга кўра, ЎФА сўнгги йилларда Камерун, Коста-Рика, Боливия, Венесуэла, Россия, АҚШ, Мексика, Уругвай ва Канада миллий жамоалари билан ўйинлар учун миллий жамоаларга ёки агентларга пул тўламаган. Аксинча, ассоциация бюджетига 525 минг доллар келиб тушган.

Бундан ташқари, Ўзбекистон делегацияси сафарлар давомида овқатланиш ва яшаш харажатларини ҳам ўзи қопламагани, мезбон томон томонидан таъминланган.

Эслатиб ўтамиз, Ўзбекистон миллий жамоаси жорий йилнинг 1 ва 8 июнь кунлари Канада ва Нидерландияга қарши ўртоқлик учрашувлари ўтказади.