Ўзбекистон МТЖ футболчиси янги жамоага ўтди

Sport

−

09:28 visibility1956 timer1 minute

Ўзбекистон миллий терма жамоаси ярим ҳимоячиси Азиз Ғаниев фаолиятини Бирлашган Араб Амирликларининг “Банияс” клубида давом эттиради. Бу ҳақда клуб матбуот хизмати хабар берди.

БАА клуби 28 ёшли футболчи билан шартнома имзолаганини расман эълон қилди. Келишув клуб бошқарув кенгаши аъзоси Аҳмад Ал Жабрий иштирокида расмийлаштирилган.

Ғаниев учун “Банияс” БААдаги учинчи клуб бўлади. У бунга қадар “Шабаб Ал-Аҳли” ва “Ал-Батаэҳ” жамоалари шарафини ҳимоя қилган. Ўтган мавсумда футболчи БАА чемпионатида 25 та учрашувда майдонга тушиб, 2 та гол ва 3 та голли узатма қайд этган.

Қайд этиш жоизки, “Банияс” сафида аввалроқ яна икки нафар ўзбекистонлик футболчи – Отабек Шукуров ва Акмал Мозговой ҳам фаолият олиб борган.

Эслатиб ўтамиз, аввалроқ Ўзбекистон миллий терма жамоаси ва Самарқанднинг “Динамо” клуби ҳимоячиси Жаҳонгир Ўрозов Россиянинг “Рубин” клубига ўтганди.

Author