Тошкентдаги омборга ўт кетди

Crime

−

12 August visibility3824 timer1 minute

Тошкент шаҳрининг Бектемир туманида жойлашган омборхонада ёнғин чиқди. Бу ҳақда Тошкент шаҳар Фавқулодда вазиятлар бошқармаси хабар берди.

Қайд этилишича, ёнғин бугун, 12 август куни соат 15:58 да Бектемир тумани Хусайн Байқаро кўчасида жойлашган омборхонада содир бўлган. Воқеа ҳақида Тошкент шаҳар ФВББга хабар келиб тушгач, ёнғин-қутқарув экипажлари зудлик билан ҳодиса жойига етиб борган.

Ёнғин соат 16:49 да қуршаб олиниб, 17:02 да тўлиқ ўчирилган. Ҳозирда ёнғиннинг келиб чиқиш сабаби ҳамда етказилган зарар миқдори аниқланмоқда.

Эслатиб ўтамиз, аввалроқ Тошкент шаҳрининг Миробод туманидаги янги қурилаётган бинода ёнғин содир бўлгани ҳақида хабар берилган эди.

Author