Сергелида янги қурилаётган бино ёниб кетди
Local
−
23 March 2025 5690 1 minute
Бугун, 23 март куни Тошкент шаҳрининг Сергели туманида янги қурилаётган бинода ёнғин содир бўлди. Бу ҳақда пойтахт Фавқулодда вазиятлар бошқармаси хабар берди.
Маълум қилинишича, соат 09:18 да Тошкент шаҳар Сергели тумани Хонабод кўчасида жойлашган ва янги қурилаётган бино фасад қисмида ёнғин содир бўлаётгани тўғрисида Тошкент шаҳар ФВБга хабар тушган.
Шунга кўра, ёнғин-қутқарув техникалари айтилган манзилга соат 09:24 да етиб бориб, ёнғин соат 09:39 да қуршаб олиниб, соат 09:42 да ўчирилган.
Ёнғин оқибатида ҳалок бўлган ва жабрланганлар йўқ.
“Ҳозирда ёнғин сабаби ва келтирилган моддий зарар миқдори аниқланмоқда”, дейилади хабарда.
Эслатиб ўтамиз, аввалроқ Қорақалпоғистон Республикаси Тўрткўл туманида MAN юк автомобили портлаб кетгани ҳақида хабар берилганди.
Live
AllOzon teshigi rekord darajada kengaydi
06 November
Oktyabrda inflyatsiya 0,6 foizni tashkil etdi
06 November
O'zbekistonda piyoz narxi nega oshgani aytildi
06 November
