ОЧЛ: Бугун икки ўзбек клуби гуруҳ босқичи йўлланмаси учун майдонга тушади

Sport

−

19 February 2019 visibility8577 timer1 minute

Бугун, 19 февраль куни Осиё чемпионлар лигаси саралаш босқич доирасида плей-офф учрашувлари бўлиб ўтади. Ушбу босқичда Ўзбекистоннинг икки жамоаси гуруҳ баҳсларида иштирок этиш учун кураш олиб боради.

Шота Арвеладзе бошчилигидаги “Пахтакор” жамоаси Бирлашган Араб Амирликларида “Ал-Наср” меҳмони бўлади. Баҳс Тошкент вақти билан соат 20:00 да бошланади.

Тошкент вилоятининг АГМК жамоаси эса Саудия Арабистонида “Ал-Насср” билан куч синашади. Миржалол Қосимов шогирдлари иштирокидаги учрашув ҳам Тошкент вақти билан соат 20:00 да старт олади.

Бугунги учрашувларда ғалаба қозонган жамоалар Осиё чемпионлар лигасининг гуруҳ босқичида иштирок этиш ҳуқуқини қўлга киритади.

Author