Мирзиёев Тўқаевни табриклади

−

25 October 2022 visibility7734 timer1 minute

Ўзбекистон Президенти Шавкат Мирзиёев Қозоғистон Президенти Қосим-Жомарт Тўқаевга ушбу мамлакатнинг миллий байрами – Республика куни муносабати билан табрик йўллади.

Шавкат Мирзиёев ўзбекистонликлар қардош Қозоғистон халқининг қувончига самимий шерик эканини таъкидлаб, Қосим-Жомарт Тўқаевга мустаҳкам саломатлик, масъулиятли давлатчилик фаолиятида улкан муваффақиятлар, Қозоғистон халқига эса фаровонлик, бахту саодат ва доимий равнақ тилади.

Республика куни Қозоғистоннинг асосий ва ягона миллий байрамидир. У 1990 йилдан бери нишонлаб келинади.

Author