Мирзиёев эртага Москвага боради

Local

−

06 October 2024 visibility10475 timer1 minute

Ўзбекистон Республикаси Президенти Шавкат Мирзиёев 7-8 октябрь кунлари амалий ташриф билан Россиянинг Москва шаҳрида бўлади. Бу ҳақда Президент матбуот хизмати хабар берди.

"Давлатимиз раҳбари МДҲ Давлат раҳбарлари кенгашининг навбатдаги мажлиси доирасидаги тадбирларда иштирок этади", дейилади хабарда.

Эслатиб ўтамиз, олдинроқ Кремль воизи Дмитрий Песков эртага, 7 октябрь куни 72 ёшга тўладиган Россия Президенти Владимир Путин туғилган кунини иш жойида ўтказишини айтганди. Песков 7 октябрь куни кечқурун Путин МДҲ давлатлари раҳбарлари билан бирга бўлишини билдирди.

Author