“Қамчиқ” довонида нефть маҳсулотлари ортилган юк машинаси ЙТҲга учради (видео)

Crime

−

21 March 2023 visibility9386 timer1 minute

“Қамчиқ” довонида нефть маҳсулотлари ортилган юк машинаси билан боғлиқ ЙТҲ содир бўлди. Бу ҳақда Фавқулодда вазиятлар вазирлиги матбуот хизмати хабар берди.

Аниқланишича, бугун, 21 март куни А-373 автомобиль йўлининг “Қамчиқ” довони қисмидан ўтган 198 километрида MAN русумли нефть маҳсулотлари ортилган юк автомобили иштирокида йўл-транспорт ҳодисаси содир бўлган. Ҳодиса оқибатида ёнғин юзага келмаган.

Воқеа жойига ФВВнинг 3 та махсус техникаси етиб броган. Содир бўлган ҳодиса оқибатларини бартараф этиш ишлари олиб борилмоқда.

Вазирликнинг келтиришича, мазкур вазият тўлиқ назоратга олинган.

Эслатиб ўтамиз, Тошкентда 5 та машина иштирокида ЙТҲ содир бўлгани ҳақида хабар берган эдик . Шунингдек, Жиззах вилояти Зомин тумани содир бўлган ЙТҲда прокуратуранинг икки ходими вафот этган эди.

Жавоҳир Қадамов

Author