Бугун Президент давлат мукофотларини топширади

Бугун, 26 август куни Президент Шавкат Мирзиёев Ўзбекистон мустақиллигининг 35 йиллиги муносабати билан давлат мукофотларини топширади. Бу ҳақда мамлакат етакчисининг матбуот хизмати хабар берди. 

Қайд этилишича, давлат мукофотларини топшириш маросими Кўксарой қароргоҳида ўтказилади. 

Маълумот учун, жорий йилнинг 2 апрель куни Президентнинг “Ўзбекистон Республикаси давлат мустақиллигининг 35 йиллигини кенг нишонлашга тайёргарлик кўриш ва уни ўтказиш тўғрисида”ги қарори имзоланганди. Унга кўра, Ўзбекистон Республикаси мустақиллигининг 35 йиллиги “Ягона Ватан, ягона халқ бўлиб, янги ҳаёт ва келажак яратамиз!” шиори остида кенг нишонланиши белгиланганди.

Эслатиб ўтамиз, аввалроқ Ўзбекистон Республикаси Президенти Администрацияси раҳбарининг шартнома асосида жалб қилинадиган маслаҳатчиси, Ўзбекистон Республикаси Президенти Администрациясининг АҚШдаги вакили Комил Исмоилович Алламжонов ва Ўзбекистон Республикаси Президенти Администрациясининг Коммуникациялар департаменти бошлиғи – Президент матбуот котиби Шерзод Асадов “Дўстлик” ордени билан мукофотланганди.