Zubayra qonli jangda raqibini taslim etdi

Ayni daqiqalarda BAA poytaxti Abu-Dabidagi “Janglar oroli”da UFC 267 musobaqasi bo‘lib o‘tmoqda.

Erta prelimning markaziy jangida UFC sobiq chempioni Habib Nurmuhamedovning jamoadoshi Zubayra Tuxugov (19-5) braziliyalik Rikardo Ramosga (15-3) qarshi oktagonga ko‘tarildi va g‘alaba qozondi. 

Dastlabki ikki raundni o‘z foydasiga hal etgan Zubayra 3-raundda asosan masofada ishladi va bahsda katta ustunlik bilan zafar quchdi. Ushbu jangda Habib unga sekundantlik qildi. Tuxugov faoliyatidagi 20-g‘alabasini nishonladi. Rikardo Ramos esa 19-jangda to‘rtinchi mag‘lubiyatini qabul qilib oldi.

Asosiy karddan o‘rin olgan janglar quyidagicha ko‘rinish olgan:

Yan Blaxovich – Glover Teysheyra
Pyotr Yan – Kori Sendxagen
Islam Maxachev – Den Xuker
Aleksandr Volkov – Marchin Tibura
Li Jinliang – Xamzat Chimayev
Magomed Ankalayev – Volkan Ozdemir

Eslatib o‘tamiz, Zubayra Tuxugov bunga qadar 2020 yilning sentyabrida  bo‘lib o‘tgan UFC 253 turnirida Hakim Davuduga mag‘lub bo‘lgan edi.

Ma’lumot uchun, UFC 267 turnirining asosiy kardida Habibning yana bir jamoadoshi Islam Maxachev Den Xukerga qarshi oktagonga ko‘tariladi.