Jonson Zelenskiyni Cherchill mukofoti bilan taqdirladi

Buyuk Britaniyaning iste’foga chiqayotgan Bosh vaziri Boris Jonson videomuloqot orqali Ukraina Prezidenti Vladimir Zelenskiyga Uinston Cherchill xalqaro jamiyatining Uinston Cherchill nomidagi yetakchilik mukofotini topshirdi.

Mukofotni topshirish marosimida Zelenskiy dunyoning demokratik davlatlari har qanday zulmni to‘xtatishga qodir ekanini, Ukraina esa uning erkinligiga tahdid soladigan har qanday yovuzlikni to‘xtatishga qodirligini ta’kidladi.

Prezident ushbu mukofot nafaqat uning sa’y-harakatlari, balki rossiyalik harbiylar bilan bo‘lgan janglarda o‘zini ko‘rsatgan o‘n minglab ukrainalik fuqarolarning qahramonligini ham o‘zida mujassam etganini ta’kidladi.

“Agar butun Ukraina xalqi ozodlikni yovuzlik hujumidan himoya qilish uchun bosh ko‘tarmaganida, bu mukofotni olish mumkin emas edi”, degan Zelenskiy.

U, shuningdek, ukrainaliklar va Yevropa tarixi Ukraina xalqiga va umuman erkinlik g‘oyasiga yordam berishdan tortinmaganlarni doim eslab qolishiga ishonch bildirgan.

“Ehtimol, insoniyat tarixida birinchi marta biz dunyodagi barchaga hozir va uzoq vaqt davomida demokratiyalar birlashgan holda har qanday zulmni to‘xtata olishini ko‘rsata olamiz, hatto dastlab u tajovuzkorlik uchun cheksiz resurslarga egadek tuyulsa ham. Ammo bu Rossiya Ukrainadagi jang maydonida yutqazsagina haqiqatga aylanishi mumkin”, dedi Zelenskiy.

Shu munosabat bilan u Ukrainaga zamonaviy va samarali qurollarni yetarli miqdorda yetkazib berishni davom ettirish, Rossiyaga qarshi sanksiyalarni kuchaytirish, erkinlikni himoya qilish uchun koalitsiyaga ko‘proq xalqlarni, ayniqsa, Rossiya XXІ asrda sun’iy ocharchilikka duchor qilmoqchi bo‘lgan xalqlarni jalb etishga chaqirdi.

“Dunyoning demokratik davlatlar har qanday zulmni to‘xtatishga qodir. Biz erkinligimizga tahdid soladigan har qanday yovuzlikni to‘xtatishga qodirmiz. Buning uchun faqat butun erkin dunyoning umumiy rahbariyati kifoya qiladi. Va sabrli bo‘lish kerak. G‘alaba yo‘lida sabr. Bugungi kunda unga erishish uchun qancha vaqt va kuch sarflanishini hech kim bilmaydi. Biroq, bu g‘alaba kelishiga arziydi. Va bizning siz bilan umumiy tariximizga aylanadi. Shu qadar ajoyibki, siz va men hozir ser Cherchilldan iqtibos keltirayotganimiz kabi bizdan ham iqtibos keltirishadi”, degan Prezident mukofotlarganidan keyin.