“Jo, sen ishdan bo‘shading!” Tramp Baydenning maxfiy ma’lumotlarga kirishini bekor qilmoqchi

AQSH Prezidenti Donald Tramp sobiq prezident Jo Baydenning maxfiy ma’lumotlarni olish vakolatini uning xavfsizlik ruxsatini bekor qilish va kundalik razvedka brifinglarini to‘xtatish orqali olib tashlashini aytdi. Bu haqda u kecha, 7 fevral kuni Truth Social ijtimoiy tarmog‘idagi sahifasida yozib qoldirdi.

Tramp Bayden 2021 yilda Razvedka hamjamiyatiga uning (Trampning) lavozimidan ketganidan keyin milliy xavfsizlik tafsilotlariga kirishini cheklashni ko‘rsatib, pretsedent o‘rnatganini ta’kidladi, Tramp buni adolatsiz harakat deb hisoblaydi.

Prezident, shuningdek, Baydenni jinoyatda ayblamagan bo‘lsa-da, juda nozik maxfiy ma’lumotlarni to‘g‘ri himoya qila olmagan, unutuvchan bosh qo‘mondonning suratini chizgan Xur hisobotidan iqtibos keltirgan.

Tramp o‘zining milliy xavfsizlikni himoya qilishni birinchi o‘ringa qo‘yishini ta’kidlab, istehzo bilan “Jo, sen ishdan bo‘shading” deb yozdi va postini o‘zining “Amerikani yana buyuk qilsin” shiori bilan yakunladi.

Ma’lumot uchun, o‘sha paytdagi prezident Bayden o‘zidan oldingi prezidentga an’anaviy tarzda sobiq prezidentlarga beriladigan razvedka brifinglarini olishni taqiqlab qo‘ygan va Trampning 6 yanvardagi Kapitoliy hujumidan oldingi “noto‘g‘ri xatti-harakati”dan xavotir bildirib, unga nozik ma’lumotlarga ishonib bo‘lmasligini da’vo qilgan.

Bu sobiq prezidentning razvedka brifinglarini olishdan chetlashtirilganligining birinchi misoli bo‘ldi. Biroq Tramp Baydenning xavfsizlik ruxsatnomasini ham bekor qilmoqchi ekanligini da’vo qilib, undan bir qadam o‘zib ketdi.

Mohimbegim Ma’rufaliyeva