Japarov inauguratsiya marosimida kortej va ziyofatdan bosh tortdi

Avvalroq, Sadir Japarov Qirg‘iziston Respublikasining yangi Prezidenti sifatida e’lon qilingani haqida xabar bergan edik. Japarov rasman 28 yanvardan boshlab ushbu lavozimga kirishadi. Shu kuni Toktogul Satilganov inauguratsiya nomidagi Milliy Filarmoniya saroyida Japarovning inauguratsiyasi bo‘lib o‘tadi. 

Ayni vaqtda yangi prezidentning inauguratsiya marosimiga tayyorgarlik ko‘rish va uni o‘tkazish bo‘yicha tashkiliy qo‘mita tuzilgan. Tashkiliy qo‘mitani davlat rahbari devoni rahbari Suyunbek Qosmambetov boshqaradi.

Prezident devoniga ko‘ra, Qirg‘izistonning yangi Prezidenti Sadir Japarov inauguratsiya paytida kortej va ziyofatdan bosh tortgan. 

“Men katta miqdordagi moliyaviy xarajatlarni keltirib chiqaradigan maxsus kortej, ziyofat va boshqa tashkiliy tadbirlardan voz kechishga qaror qildim. Prezident lavozimiga kirishish uchun qonun bilan talab qilingan majburiy tartiblarni hisobga olish va amalga oshirish muhimdir”, deya Prezident matbuot xizmati Japarovning so‘zlarini keltiradi.

Respublika rahbarining so‘zlariga ko‘ra, “davlat o‘z e’tiborini xalq mablag‘larini xalq va ularning ehtiyojlarini qo‘llab-quvvatlash uchun ishlatishga qaratishi kerak”.

Yangi Prezident so‘zida davom etarkan, Qirg‘izistondagi bugungi vaziyat, iqtisodiy imkoniyatlar katta xarajatlarni to‘xtatib turishni taqozo etadi. 

"Oktyabr voqealaridan keyingi siyosiy, iqtisodiy, moliyaviy va epidemiologik vaziyatni hisobga olgan holda, shuni ta’kidlash kerakki, bunday vaziyatda biz mamlakat iqtisodiyoti uchun og‘ir choralardan voz kechishimiz kerak. Menimcha, odamlar tushunadi va bizni qo‘llab-quvvatlaydi”, ,  - deya ta’kidlaydi Japarov. 

Eslatib o‘tamiz, joriy yilning 10 yanvar kuni Qirg‘izistonda navbatdan tashqari Prezident saylovi o‘tkazildi. Unda 79,2 foiz ovoz to‘plab, Sadir Japarov g‘alaba qozondi.