Jalolovning bo‘lajak raqibi aniq bo‘ldi
Sport
−
19 yanvar 17488
Joriy yilning 17 fevral kuni Saudiya Arabistoni poytaxti Ar-Riyod shahrida o‘tkaziladigan profboks kechasida o‘zbekistonlik Bahodir Jalolov ham ringga ko‘tariladi. O‘sha kuni Jalolovga chernogoriyalik Dilan Prashovich raqiblik qiladi. Bu haqda sport insayderi Den Rafael ma’lum qildi.
29 yoshli Dilan Prashovich shu vaqtga qadar profboksda 20 ta jang o‘tkazgan. Janglarining 17 tasida raqiblaridan ustun kelgan bo‘lsa, 3 ta jangda imkoniyatni boy bergan. Jalolov esa professional boksdagi barcha 14 ta jangida ham raqiblarini nokautga uchratgan.
Prashovich oxirgi jangini o‘tgan yili mart oyida germaniyalik Andreas Masoldga qarshi o‘tkazib, g‘alabaga erishdi. Bahodir Jalolov esa 2023 yil noyabrda Toshkentda janubiy afrikalik Kris Tompsondan ustun keldi.
Eslatib o‘tamiz, avvalroq Jalolovning ehtimoliy raqibi kubalik 44 yoshli Luis Ortis bo‘lishi mumkinligi xabar qilingandi.
Live
Barchasi
