Jahon chempionatidan mosuvo eng qimmat futbolchilarni bilasizmi?

Norvegiya terma jamoasi va Angliyaning “Manchester Siti” klubi futbolchisi Erling Xoland Qatarda bo‘lib o‘tadigan Jahon chempionatiga bormaydigan eng qimmat futbolchidir. Bu haqda “Transfermarkt” portali xabar berdi.

Ikkichi o‘rinni Misr terma jamoasi yetakchisi Muhammad Saloh egallagan. “Liverpul” futbolchisining narxi 90 million yevroga baholangan.

XXI asrning ikkinchi dekadasida kattagina o‘sishga erishgan Kolumbiya ham Qatarda o‘tadigan Jahon chempionatiga bormaydi. Kolumbiyaliklarning yulduz futbolchisi Luis Dias esa mundialdan quruq qolgan 3-raqamli eng qimmat futbolchidir.

“Transfermarkt” talqiniga ko‘ra, mundialni o‘tkazib yuboradigan eng qimmat 10 ta futbolchi bilan tanishing: 

1. Erling Xoland (Norvegiya) – 150 million yevro (transfer bahosi);

2. Muhammad Saloh (Misr) – 90 million yevro;

3. Luis Dias (Kolumbiya) – 75 million yevro;

4. Nikolo Barella (Italiya) – 70 million yevro;

5. Viktor Osimxen (Nigeriya) – 65 million yevro;

6. Federiko Keza (Italiya) – 65 million yevro;

7. Milan Shkrinyar (Slovakiya) – 65 million yevro;

8. Endryu Robertson (Shotlandiya) – 65 million yevro;

9. Alessandro Bastoni (Italiya) – 60 million yevro;

10. David Alaba (Avstriya) – 55 million yevro.

Ma’lumot uchun, Qatardagi Jahon chempionati shu yilning 20 noyabridan 18 dekabrigacha bo‘lib o‘tishi rejalashtirilgan.