Жаҳон чемпионатидан мосуво энг қиммат футболчиларни биласизми?

Норвегия терма жамоаси ва Англиянинг “Манчестер Сити” клуби футболчиси Эрлинг Холанд Қатарда бўлиб ўтадиган Жаҳон чемпионатига бормайдиган энг қиммат футболчидир. Бу ҳақда “Тransfermarkt” портали хабар берди.

Иккичи ўринни Миср терма жамоаси етакчиси Муҳаммад Салоҳ эгаллаган. “Ливерпуль” футболчисининг нархи 90 миллион еврога баҳоланган.

XXI асрнинг иккинчи декадасида каттагина ўсишга эришган Колумбия ҳам Қатарда ўтадиган Жаҳон чемпионатига бормайди. Колумбияликларнинг юлдуз футболчиси Луис Диас эса мундиалдан қуруқ қолган 3-рақамли энг қиммат футболчидир.

“Тransfermarkt” талқинига кўра, мундиални ўтказиб юборадиган энг қиммат 10 та футболчи билан танишинг: 

1. Эрлинг Холанд (Норвегия) – 150 миллион евро (трансфер баҳоси);

2. Муҳаммад Салоҳ (Миср) – 90 миллион евро;

3. Луис Диас (Колумбия) – 75 миллион евро;

4. Николо Барелла (Италия) – 70 миллион евро;

5. Виктор Осимхен (Нигерия) – 65 миллион евро;

6. Федерико Кьеза (Италия) – 65 миллион евро;

7. Милан Шкриньяр (Словакия) – 65 миллион евро;

8. Эндрю Робертсон (Шотландия) – 65 миллион евро;

9. Алессандро Бастони (Италия) – 60 миллион евро;

10. Давид Алаба (Австрия) – 55 миллион евро.

Маълумот учун, Қатардаги Жаҳон чемпионати шу йилнинг 20 ноябридан 18 декабригача бўлиб ўтиши режалаштирилган.