Zelenskiy va Latviya Prezidenti Lvovdagi qabristonga bordi (fotogalereya)

Bugun, 3 mart kuni Ukraina Prezidenti Vladimir Zelenskiy va Latviya rahbari Egils Levits Ukrainaning Lvov shahriga tashrif buyurdi. Bu haqda Ukraina yetakchisi devonining matbuot xizmati xabar berdi.

Ukraina delegatsiyasi tarkibini Vladimir Zelenskiy, birinchi xonim Yelena Zelenskaya, Prezident devonining o‘rinbosari Aleksiy Kuleba, Lvov viloyati ma’muriyati rahbari Maksim Kozitskiy va uning birinchi o‘rinbosari Andrey Godik tashkil qilgan.

Lvovga tashrif bilan kelgan Latviya Prezidenti Egils Levits va birinchi xonim Andrey Levits bilan birga siyosatchilar Lichakov qabristoniga tashrif buyurib, ukrainalik harbiylar xotirasini yodga olgan.

Shuningdek, Prezident Zelenskiy tibbiyot muassasalarida davolanayotgan ukrainalik jangchilarni ham borib ko‘rgan. U shifokorlarga minnatdorlik bildirib, harbiylar bilan suhbatlashgan. Hamda ularga davlat mukofotlarini topshirgan.

Eslatib o‘tamiz, joriy yilning 11 yanvar kuni Ukraina Prezidenti Vladimir Zelenskiy mamlakatning g‘arbida joylashgan Lvov shahriga borgandi. Shu kuni ham u Lichakov qabristoniga borib, halok bo‘lgan ukrainalik harbiylar xotirasiga hurmat bajo keltirgandi.