Zelenskiy Trampni Ukraina bo‘yicha tinchlik rejasini oshkor qilishga chaqirdi
Olam
−
20 Sentabr 2023 5903
Ukraina Prezidenti Vladimir Zelenskiy AQSHning sobiq prezidenti Donald Trampni Ukrainada tinchlikka erishish rejasini omma oldida baham ko‘rishga chaqirdi. Bu haqda u CNN telekanaliga bergan intervyusida aytib o‘tgan.
“U o‘z g‘oyasini hozir, vaqtni behuda sarflamasdan omma oldida baham ko‘rishi va mening formulam urushni, bu fojiani va Rossiya agressiyasini to‘xtatadi, deb aytishi mumkin”, degan Zelenskiy.
Ukraina rahbarining so‘zlariga ko‘ra, agar Amerika sobiq prezidentining g‘oyasi Ukraina hududlarining bir qismini Rossiya Federatsiyasiga “berish” bo‘lsa, “bu tinchlik formulasi emas”.
Eslatib o‘tamiz, Donald Tramp bir necha bor Zelenskiy va Rossiya Prezidenti Vladimir Putin bilan Ukrainadagi mojaroni 24 soat ichida tugatish bo‘yicha kelishuvga erishishi mumkinligini aytgandi.
