Zelenskiy Chexiyadan quruq qo‘l bilan qaytmaydigan bo‘ldi

Praga Kiyevga jangovar vertolyot va o‘q-dorilar beradi. Bu haqda Chexiya Bosh vaziri Petr Fiala Ukraina Prezidenti Vladimir Zelenskiy bilan uchrashuvdan so‘ng jurnalistlarga ma’lum qildi. 

“Chexiya Ukrainaga jangovar vertolyotlar va o‘q-dorilarni topshiradi”, deydi Fiala. 

Uning so‘zlariga ko‘ra, respublika Ukrainaga barcha sohalarda, jumladan, mudofaa yo‘nalishida ham faol yordam berishda davom etadi.

"Chexiya harbiy, shu jumladan, F-16 uchuvchilarini tayyorlashga yordam beradi", deydi Fiala.

Xususan, Praga uchuvchilarni bevosita Ukrainada o‘qitishi uchun trenajyorlarni Kiyevga o‘tkazadi.

Bosh vazir bo‘lajak NATO sammiti haqida gapirar ekan, alyansdagi barcha ittifoqchilar Ukrainani unga a’zo bo‘lish rejalarini amalga oshirishda qo‘llab-quvvatlashiga umid bildirgan.

Eslatib o‘tamiz, Ukraina Prezidenti Vladimir Zelenskiy kecha, 6 iyul kuni kechqurun kutilmaganda Chexiyaga borgandi. Shuningdek, u shu kuni davlat tashrifi bilan Bolgariyaga tashrif buyurgandi. 

Bugun, 7 iyul kuni Zelenskiy Istanbulga Turkiya rahbari Rajab Toyib Erdo‘g‘an bilan uchrashish uchun ham borishi kutilmoqda.