Zelenskiy “Azovstal”da qolganlarni evakuatsiya qilish operatsiyasi haqida ma’lumot berdi

Ukraina Prezidenti Vladimir Zelenskiy Mariupolning “Azovstal” zavodidan evakuatsiya operatsiyasining ilk natijasi haqida ma’lumot berdi. Bu haqda UNN xabar bermoqda. 

“Nihoyat, Mariupoldagi “Azovstal”dan tashkil etgan evakuatsiya operatsiyamizning birinchi natijasiga erishdik. Buning uchun ko‘p harakat, uzoq muzokaralar va turli vositachiliklar talab qilindi. Bugun Zaporojega 156 kishi yetib keldi. Ayollar va bolalar. Ular ikki oydan ko‘p vaqt davomida saqlandi. Tasavvur qiling! Misol uchun, yer ostidagilardan ikkitasi olti oylik bolalar edi. Nihoyat, bu odamlar butunlay xavfsizdir. Ularga yordam beriladi”, degan Zelenskiy. 

Prezident bu odamlarning najot topishiga bog‘liq bo‘lgan — muzokaralar olib borgan, yordam bergan, gumanitar yo‘lak orqali odamlarning jismoniy harakatlanishini ta’minlaganlarga minnatdorlik bildirgan. Zelenskiy shuningdek, barcha odamlarni Mariupol va “Azovstal”dan olish uchun qo‘lidan kelgan ishni qilishda davom etishiga ishontirgan. 

“Bu qiyin. Ammo bizga u yerda qolganlarning hammasi kerak: tinch aholi ham, harbiylar ham. Bu masala bilan shug‘ullanilmagan kun bo‘lmadi. Toki xalqimiz bu masalani hal qilishga urinmasin. Ha, biz gumanitar yo‘lak ishlashi uchun deyarli uch kun davomida o‘t ochishni to‘xtatishga erishdik”, degan Zelenskiy. 

Eslatib o‘tamiz, joriy yilning 19 aprel kuni tan olinmagan Donetsk xalq respublikasi (DXR) xalq militsiyasining harbiy guruhlari Mariupoldagi “Azovstal” zavodi hududiga hujum boshlagandi. 

Keyinroq Rossiya Prezidenti Vladimir Putin “Azovstal”ga hujumni to‘xtatishni va uni qurshab olishni buyurgandi. Biroq shundan keyin ham zavodga hujumlar amalga oshirildi.