Yevropada ilk bor xususiy raketa fazoga uchirildi
Texnologiya
−
07 Oktabr 2023 6581
Ispaniyaning PLD Space kompaniyasi Miura 1 suborbital raketasini mamlakat janubi-g‘arbidan fazoga uchirdi. Aytish joizki, bu Yevropa qit’asidan koinotga ko‘tarilgan tarixdagi ilk xususiy raketa bo‘ldi. Bu haqda Reuters xabar bermoqda.
PLD Space kompaniyasi bundan oldin ham Miura 1 raketasini uchirishni rejalashtirgan, ammo joriy yilning 31 may kuni kuchli shamol tufayli parvoz bekor qilingan edi.
Ispaniyaning El Mundo gazetasining yozishicha, gap Ispaniyada to‘liq ishlab chiqarilgan va qurib bitkazilgan birinchi raketa haqida bormoqda. Ma’lum qilinishicha, uni ishga tushirish uchun qulay va juda aniq ob-havo sharoitlari talab qilingan.
Ma’lumot o‘rnida, 2011 yilda tashkil etilgan PLD Space kompaniyasining rejasi 2025 yildan boshlab tijorat va ilmiy sun’iy yo‘ldoshlarni uchirish uchun Miura raketalaridan foydalanishdan iborat.
Live
Barchasi
