Yevropa chikungunya virusi o‘chog‘iga aylanishi mumkin

Iqlim o‘zgarishi tufayli chikungunya virusining tarqalish maydoni sezilarli darajada kengayib, XXI asr oxiriga borib Yevropa, Shimoliy Amerika va Sharqiy Osiyoning mo‘’tadil mintaqalariga yetib borishi mumkin. Tadqiqot natijalari “ Frontiers in Cellular and Infection Microbiology” jurnalida chop etildi.

Tadqiqotga ko‘ra, iqlim isishi virus tashuvchi chivinlarning, ayniqsa past haroratlarda ham omon qolishi mumkin bo‘lgan Osiyo yo‘lbars chivinining tarqalish maydonining kengayishiga yordam beradi.

Olimlarning hisob-kitoblariga ko‘ra, 2100 yilga borib infeksiya o‘choqlari Yevropa, Shimoliy Amerika va Sharqiy Osiyoning shimoliy mintaqalariga ko‘chib o‘tishi mumkin.

Tadqiqotchilar kelajakdagi xavfni kamaytirish uchun epidemiologik kuzatuvni kuchaytirish va mo‘’tadil mintaqalarda chivin populyatsiyasini kuzatish zarurligini ta’kidladilar.

Chikungunya – Aedes turkumidagi chivinlar tomonidan yuqadigan va Jahon sog‘liqni saqlash tashkiloti tomonidan "e’tiborsiz qoldirilgan tropik kasallik" deb tasniflangan virusli kasallik. Kasallik yuqori isitma, bo‘g‘imlar va mushaklarda kuchli og‘riq, holsizlik va teri toshmasi bilan tavsiflanadi.