Yevrokomissiya Ruminiyadagi saylovlar vaqtida TikTok'ga qarshi tergov boshladi

Yevropa Komissiyasi Ruminiyada bo‘lib o‘tgan prezidentlik saylovlarining birinchi bosqichida yevropaparast kuchlarning muvaffaqiyatsizlikka uchragani va shu kuni bo‘lib o‘tadigan ovoz berishning ikkinchi bosqichi arafasida TikTok'ga bosim qilishni boshladi. Bu haqda “Report” xabar berdi.

YeIning raqamli kun tartibiga mas’ul Yevropa komissari Henna Virkkunenning so‘zlariga ko‘ra, bu qaror TikTok orqali Ruminiya saylovlariga ta’sir ko‘rsatilgani bilan bog‘liq.

"Erkin va adolatli saylovlar demokratiyaning asosidir. Yevropa Ittifoqining raqamli xizmatlar to‘g‘risidagi qonuni (DSA) saylov jarayonlari uchun xavflarni kamaytirish uchun juda katta onlayn platformalarni talab qiladi. Bugun biz TikTok'ga Ruminiya saylovlari bilan bog‘liq barcha dalillarni saqlab qolishni buyurdik”, degan u.

DSA doirasidagi bunday tartib internet-platformaga qarshi tegishli tergov Yevropa Komissiyasi tomonidan allaqachon boshlangan yoki yaqin kelajakda boshlanishini anglatadi.

Ma’lumot uchun, o‘tgan hafta Ruminiyada prezidentlik saylovlari ham bo‘lib o‘tgandi. Birinchi turda saylovchilarning 22,94 foizi “Ruminiyaliklarni birlashtirish uchun” millatchilar alyansi a’zosi bo‘lgan mustaqil nomzod Kalin Georgesku uchun ovoz bergandi. Ikkinchi o‘rinda “Ruminiyani qutqarish ittifoqi” liberal partiyasidan Yelena Laskoni (19,17 foiz). Uchinchi o‘rinni 19,15 foiz ovoz bilan mamlakatning amaldagi Bosh vaziri, sotsial-demokrat Marchel Cholaku egallagandi.

28 noyabr kuni Ruminiya Konstitutsiyaviy sudi Markaziy saylov komissiyasiga firibgarlik gumonlarini yo‘q qilish uchun prezidentlik saylovining birinchi bosqichi natijalarini qayta sanab chiqishni buyurdi. Shunday qilib, ovoz berishning birinchi bosqichi natijalarini rasman tasdiqlash keyinga qoldirildi.

Eslatib o‘tamiz, joriy yilning 1 dekabr kuni Ruminiyada parlament saylovlari bo‘lib o‘tgandi.