YeI Facebook’ga talab qo‘ydi

Yevropa Ittifoqining Shaxsiy ma’lumotlarni himoya qilish bo‘yicha Yevropa regulyatori Facebook’ga o‘z foydalanuvchilarining ma’lumotlarini AQSHga uzatishni to‘xtatish to‘g‘risida dastlabki buyruqni yubordi.  Bu haqda “Wall Street Journal” o‘z manbasiga asoslanib yozmoqda. 

"Yevropa Ittifoqining maxfiyligini tartibga soluvchi organ Facebook’ga o‘z foydalanuvchilarining ma’lumotlarini AQSHga uzatishni to‘xtatish to‘g‘risida dastlabki buyruqni yubordi", deyiladi xabarda.

Manbalardan birining aniqlik kiritishicha, dastlabki yo‘riqnoma o‘tgan oy oxirida Irlandiyalik foydalanuvchi ma’lumotlarini himoya qilish komissiyasi tomonidan Facebook’ga yuborilgan. 

Gazetaning ta’kidlashicha, Facebook o‘z xizmatini qayta tashkil qilishi yoki yevropalik foydalanuvchilarga xizmat ko‘rsatishni vaqtincha to‘xtatishi kerak. Manbalarning aytishicha, Irlandiyalik regulyator Facebook’ga sentyab oyining o‘rtalariga qadar javob berish uchun vaqt bergan. So‘rovni bajarmagan taqdirda, regulyator Facebook kompaniyasini kompaniyaning yillik daromadining 4 foiziga teng miqdorda, ya’ni 2 8 milliard dollar miqdorida jarimaga tortishga haqlidir. 

"Ma’lumotlarni xavfsiz, ishonchli va qonuniy ravishda uzatishning yetishmasligi iqtisodiyotga zarar yetkazishi, shuningdek, Yevropa Ittifoqi ma’lumotlariga asoslangan korxonalarning paydo bo‘lishiga to‘sqinlik qilishi mumkin", deb yozmoqda Wall Street Journal.

Facebook ijtimoiy tarmog‘iga 2004 yil fevralida o‘sha paytda 19 yoshli amerikalik talaba bo‘lgan Mark Sukerberg asos solgan. Kompaniyaning bosh ofisi Kaliforniya shtatidagi joylashgan. Kompaniya Facebook Messenger, WhatsApp va Instagram xizmatlariga ham egalik qiladi.