YeCHLda haftaning eng yaxshi futbolchisi e’lon qilindi

“Sporting” hujumchisi Viktor Dyokeresh Yevropa Chempionlar ligasida haftaning eng yaxshi futbolchisi deb topildi. Bu haqda UEFA rasmiy sayti xabar berdi.

Futbolchi “Manchester Siti” bilan o‘yinda (4:1) xet-trik qayd etdi.

Ikkinchi o‘rin “Liverpul” a’zosi Luis Diasga nasib etdi. U “Bayer” bilan o‘yinda xet-trikka (4:0) erishdi. “Seltik” futbolchisi Nikolas Kyun “Leypsig” darvozasini ikki marta ishg‘ol qilib (3:1) 3-o‘rinni egalladi. To‘rtinchi pog‘onaga “Zalsburg” hujumchisi Karim Konate loyiq ko‘rildi. Futbolchi “Feyenoord” bilan o‘yinda (3:1) dubl qayd etdi.

Ma’lumot uchun, ayni damda Yevropa Chempionlar ligasining eng yaxshi to‘purari “Barselona” a’zosi Rafinya bo‘lib, uning hisobida 5 ta gol bor. Harri Keyn, Viktor Dyokeresh va Robert Levandovski hisobida ham xuddi shuncha gol mavjud. 

Eslatib o‘tamiz, avvalroq Superkompyuter qaysi jamoa YeCHLda g‘olib bo‘lishini taxmin qilingandi.

Angliyaning “Manchester Siti” klubining 2024/25 yilgi Yevropa Chempionlar ligasida chempion bo‘lish imkoniyati yuqori baholanmoqda.