YeCHLda haftaning eng yaxshi futbolchisi bo‘lishga nomzodlar ma’lum qilindi

UEFA Yevropa Chempionlar ligasi guruh bosqichi 3-turining eng yaxshi futbolchisi bo‘lish uchun da’vogarlarni elon qildi.

Dastlabki nomzod “Borussiya Dortmund” klubi yarim himoyachisi Jud Bellingem. Jud “Sevilya”ga qarshi 4:1 hisobidagi g‘alabali o‘yinda 1 ta gol kiritdi va 1 ta samarali uzatmani amalga oshirdi.

“Yuventus” vingeri Anxel Di Mariya Xayfaning “Makkabi”siga (3:1) qarshi o‘yinda uchta golli uzatmani amalga oshirdi.

YeCHL 3-turining qiziqarli uchrashuvlaridan birida “Napoli” “Ayaks”ni 6:1 hisobida mag‘lub etgan edi. Ushbu uchrashuvda napoliliklar himoyachisi Jovanni Di Lorenso 1 ta gol urgan va 7 marta raqiblaridan to‘pni olib qo‘ygan.

“RB Leypsig” hujumchisi Andre Silva “Seltik”ga qarshi o‘yinda ikkita gol urdi va jamoasining 3:1 hisobida g‘alaba qozonishiga yordam berdi.

Avvalroq, Leo Messi YeCHLda 40 ta klubning darvozasini ishg‘ol qilib, mutloq rekord o‘rnatgani to‘g‘risida xabar bergandik.