ЕЧЛда ҳафтанинг энг яхши футболчиси бўлишга номзодлар маълум қилинди

UEFА Европа Чемпионлар лигаси гуруҳ босқичи 3-турининг энг яхши футболчиси бўлиш учун даъвогарларни элон қилди.

Дастлабки номзод “Боруссия Дортмунд” клуби ярим ҳимоячиси Жуд Беллингем. Жуд “Севилья”га қарши 4:1 ҳисобидаги ғалабали ўйинда 1 та гол киритди ва 1 та самарали узатмани амалга оширди.

“Ювентус” вингери Анхел Ди Мария Хайфанинг “Маккаби”сига (3:1) қарши ўйинда учта голли узатмани амалга оширди.

ЕЧЛ 3-турининг қизиқарли учрашувларидан бирида “Наполи” “Аякс”ни 6:1 ҳисобида мағлуб этган эди. Ушбу учрашувда наполиликлар ҳимоячиси Жованни Ди Лоренцо 1 та гол урган ва 7 марта рақибларидан тўпни олиб қўйган.

“РБ Лейпциг” ҳужумчиси Андре Силва “Селтик”га қарши ўйинда иккита гол урди ва жамоасининг 3:1 ҳисобида ғалаба қозонишига ёрдам берди.

Аввалроқ, Лео Месси ЕЧЛда 40 та клубнинг дарвозасини ишғол қилиб, мутлоқ рекорд ўрнатгани тўғрисида хабар бергандик.