Yangilangan FIFA reytingida O‘zbekiston nechanchi o‘rinni band etdi?

Xalqaro futbol assotsiatsiyasi (FIFA) milliy terma jamoalarning reytingini e’lon qildi. Yangilangan reytingda O‘zbekiston milliy terma jamoasi o‘tgan oydagi o‘rnini saqlab qolib, 68-pog‘onadan joy oldi.

Hozirda Srechko Katanets murabbiyligidagi O‘zbekiston milliy terma jamoasi BAAda Qatarda o‘tadigan Osiyo kubogi bahslariga tayyorgarlik ko‘rmoqda.

Osiyo termalari ichida O‘zbekiston 9-o‘rinda qayd etildi. Sariq qit’a vakillari orasida eng yaxshi natija Yaponiyaga tegishli. Kunchiqar yurt vakillari reytingda 17-o‘rinda ko‘rsatilgan. Osiyo terma jamoalari ichida qolgan eng yaxshi natijalar Eron, Janubiy Koreya va Avstraliya termalariga tegishli.

Reytingning kuchli uchligida hech qanday o‘zgarish kuzatilmadi. Amaldagi jahon chempionlari Argentina terma jamoasi hamon 1-pog‘onada borayotgan bo‘lsa, Fransiya va Angliya termalari keyingi o‘rinlarni band etgan. Kuchli beshlikdan Belgiya va Braziliya terma jamoalari o‘rin oldi.