Yangilangan FIDE reytingida Abdusattorovning o‘rni o‘zgarmadi
Sport
−
16:061188
Xalqaro shaxmat federatsiyasining (FIDE) yangilangan reytingida o‘zbekistonlik grossmeyster Nodirbek Abdusattorov 6-o‘rinni egalladi.
E’tiborlisi o‘tgan oydagi reytingda ham Nodirbek 6-pog‘onada qayd etilgandi, biroq uning ochkolari 6 taga kamayib, 2777 ni tashki qilmoqda. Reytingdan jami 5 nafar o‘zbekistonlik shaxmat ustasi o‘rin oldi.
Reytingda 2685 ochko bilan Rustam Qosimjonov 44-o‘rinda qayd etilgan bo‘lsa, 2682 ochko to‘plagan Javohir Sindorov 56-o‘rindan 46-o‘ringa ko‘tarildi. 2681 reyting ochkosiga ega bo‘lgan Shamsiddin Vohidov 48-pog‘onani egalladi. 2668 ochko to‘plagan Nodirbek Yoqubboyev esa 62-o‘rinni band etdi.
Reytingni hamon norvegiyalik Magnus Karlsen boshqarmoqda. Uning hisobida 2831 ochko mavjud. Kuchli uchlikka amerikalik Fabiano Karuano va Hikaru Nakamura kiritilgan.
Live
Barchasi
