Янгиланган FIDE рейтингида Абдусатторовнинг ўрни ўзгармади
Спорт
−
01 ноябр 2024 4358 1 дақиқа
Халқаро шахмат федерациясининг (FIDE) янгиланган рейтингида ўзбекистонлик гроссмейстер Нодирбек Абдусатторов 6-ўринни эгаллади.
Эътиборлиси, ўтган ойдаги рейтингда ҳам Нодирбек 6-поғонада қайд этилганди, бироқ унинг очколари 6 тага камайиб, 2777 ни ташкил қилмоқда. Рейтингдан жами 5 нафар ўзбекистонлик шахмат устаси ўрин олди.
Рейтингда 2685 очко билан Рустам Қосимжонов 44-ўринда қайд этилган бўлса, 2682 очко тўплаган Жавоҳир Синдоров 56-ўриндан 46-ўринга кўтарилди. 2681 рейтинг очкосига эга бўлган Шамсиддин Воҳидов 48-поғонани эгаллади. 2668 очко тўплаган Нодирбек Ёқуббоев эса 62-ўринни банд этди.
Рейтингни ҳамон норвегиялик Магнус Карлсен бошқармоқда. Унинг ҳисобида 2831 очко мавжуд. Кучли учликка америкалик Фабиано Каруано ва Ҳикару Накамура киритилган.
Live
Барчаси
